حویلیاں کےمتعدد دیہات کیلئےسوئی گیس منصوبےکا افتتاح

اس موقع پر تقریب سے خطاب کرتے ہوئے مرتضی جاوید عباسی نے کہا کہ ہزارہ الیکٹرک سپلائی کمپنی کے بورڈ آف ڈائریکٹر کی کابینہ نے منظوری دیدی ہے ۔کمپنی کے قیام سے ہزارہ کے عوام کی محرومیاں ختم ہوں گی ۔یہ ہزارہ کی ترقی کاسب سے بڑا منصوبہ ہے جو مسلم لیگ ن اور وزیر اعظم میاں شہباز شریف نے عوام کو دیا ہے۔ مرتضی جاوید عباسی کا کہنا تھا کہ خیبر پختونخوا میں مسلم لیگ ن آنے والے انتخابات میں دمادم مست قلندر کرے گی۔  ان کا کہنا تھا کہ نواز لیگ  کی عوامی مقبولیت کے پیش نظر  10 ارکان اسمبلی نے پارٹی میں شمولیت اختیار کی ہے۔

وفاقی وزیر نے کہا کہ حلقہ بندیوں کی تبدیلی کے بعد فنڈ کی کمی کاسامنا رہا ہے ۔صوبائی اسمبلی میں ایم پی اے اورنگزیب نلوٹھہ نے عوام کے مسائل کے حل کی جدوجہد کی اور مشکل وقت میں پارٹی کو سہارا دیا ہے۔مرتضی جاوید عباسی نے کہا کہ یہ الیکشن کا سال ہے۔12 اگست کو قومی اسمبلی کی مدت پوری ہو رہی ہے ،کم وقت رہ گیا ہے۔ الیکشن کی بھی تیاری کرنی ہے۔انہوں نے کہا کہ گزشتہ حکومت کے نمائندوں نے عوام سے جھوٹ بولا۔ اور آج ہم نے وعدہ پورا کر دکھایا ہے۔انہوں نے پورے ملک میں سوئی گیس کے منصوبے روک دیئے تھے۔عمر ایوب دکھادے کسی ایک گاؤں میں بھی فنڈ دیا ہو۔ان کی وجہ سے ریٹ بڑھنے سے کروڑوں روپے اضافی دینے پڑ رہے ہیں اس کا کون زمہ دار ہے۔انہوں نے منظور شدہ فنڈ کو روک کر عوام سے دشمنی کی ۔ جو کام دشمن نہیں کر سکے وہ عمران خان اور اس کی ٹیم نے کیاہے ۔لیکن ان کو نہیں پتہ یہ غیرت مند قوم اپنی اور بچوں کی قربانی دیکر ا س ملک پر آنچ نہیں آنے دی گی۔پاکستان کے دشمنوں کے عزائم ہم خاک میں ملائیں گے۔ انہوں نے بٹولنی کے گاؤں میں دوپلیوں کی تعمیر اور بچیوں کے سکول میں بجلی کی سہولت فراہم کرنے کا بھی اعلان کیا۔

ہزارہ الیکٹرک سپلائی کمپنی کا بورڈ آف ڈائریکٹر نامزد

وزیر اعظم کے احکامات کے بعد وفاقی کابینہ کی منظوری سے توانائی ڈویژن نے ہزارہ الیکٹرک سپلائی کمپنی کا بورڈ آف ڈائریکٹر نامزد کرکے اس کا نوٹیفیکیشن جا ری کیا گیا ہے ۔ہزارہ الیکٹرک کمپنی کے بورڈ اف ڈائریکٹرز میں خالد پرویز چیئرمین، وقار ایوب راشد احمد، انجینیر شبیر احمد جیلانی ، لیفٹنٹ کرنل ر سلیم رضا شامل ہیں ۔ واضح رہے کہ ہزارہ الیکٹرک سپلائی کمپنی کے قیام سے جہاں ہزارہ کے 8 لاکھ صارفین کو معیاری سہولیات کی فراہمی ،لوڈشیڈنگ جیسی اذیت سے نجات ،انڈسٹری کا فروغ ہوگا وہیں کمپنی میں ہزارہ کے دس ہزار سے زائد نوجوانوں کو نوکریوں کے مواقع میسر آئیں گے۔ہزارہ کے عوام نے کمپنی کے قیام میں قانونی رکاوٹ ختم ہونے پر مسلم لیگ ن اور بالخصوص وفاقی وزیر مرتضی جا وید عباسی کو خراج تحسین پیش کیا ہے۔