جڑواں شہروں میں ہیٹ اسٹروک نے 9 جانیں لے لیں

ضلعی انتظامیہ کا کہنا ہے کہ ہیٹ اسٹروک سے جاں بحق 4 افراد کو پمز اسپتال لایا گیا، بدھ کو ہیٹ اسٹروک سے 3 افراد اور جمعرات کو ایک شخص کی موت ہوئی، ہیٹ اسٹروک سے ایک موت روات اور ایک بگا کے علاقےمیں ہوئی، کلرسیداں کے علاقے میں بھی ہیٹ اسٹروک سے ایک ہلاکت ہوئی۔ ذرائع کا دعوٰی ہے کہ پمز اسپتال میں ایمرجنسی، سرجیکل، سی سی یو اور آئی سی یو کا کولنگ سسٹم کئی ماہ سے سروس سے محروم ہے، کئی ڈاکٹر بھی ہیٹ اسٹروک کا شکار ہوچکے ہیں۔ایئرکنڈیشنر ٹھیک نہ ہونے کی وجہ سے ینگ ڈاکٹرز نے ای ڈی آفس کے سامنے احتجاج بھی کیا اور کہا کہ انتظامیہ کے آفسز کے اے سی بھرپور کام کر رہے ہیں۔

ذرائع کا کہنا ہے کہ اسپتال کے ایئر کنڈیشن کی کئی ماہ سے ٹیونگ نہیں کی گئی جبکہ دوسری طرف ترجمان وزارتِ صحت کا کہنا ہے کہ کولنگ سسٹم میں بہتری کے لیے کام جاری ہے۔