سرکاری اراضی واگزارکرانےکیلئے آپریشن سی ڈی اے کو مہنگا پڑگیا

اس حوالے سے اسلام آباد کے تھانہ کھنہ میں انور مسیح نے مقدمہ درج کراتے ہوئے بتایاکہ سی ڈی نے جابہ تیلی میں آپریشن کیااور ہمار ا گھر بھی گرا دیاگیا جس کا والد کو شدید صدمہ ہوااور انھیں ہارٹ اٹیک ہوگیا،اور ان کی موت واقع ہوگئی، مدعی نے موقف اختیار کیا کہ  جہاں ہمارا گھر تھاوہ جگہ ہم نے خریدی تھی اور جب گھر بنایاتو سی ڈی اے کے اہلکاروں نے ہم سےپیسے بھی لیے ، آج سی ڈی اےکے وہ اہلکار بھی آپریشن کے وقت  موجود تھے جنہوں نے ہم سے پیسے لیے تھے جبکہ جن لوگوں سے زمین خریدی وہ بھی مقامی ہیں، مدعی نے استدعا کی کہ چیئرمین سی ڈی اے ، مقامی افراد اور سی ڈی اے اہلکاروں کےخلاف مقدمہ درج کیاجائے ،پولیس نے 322دفعہ کی تحت مقدمہ درج کرلیا۔