سراج الحق نے کراچی میں دوبارہ الیکشن کا مطالبہ کر دیا

امیرجماعت اسلامی سراج الحق نے کہا ہے کراچی میں میئرکی سلیکشن پیپلزپارٹی کے گلے کی ہڈی بن گئی، جسے نہ اگل سکتے ہیں نہ نگلی جائے گی۔ دھاندلی اورکرپشن راج نہیں چلے گا، ملک کسی کی شوگر مل نہیں کہ جسے چاہیں منیجر مقرر کردیں۔ جسے عوام چاہیں گے وہی آگے آئے گا۔ لیکشن کمیشن بتائے کہ آپ کا آئین کی پاسداری کا حلف کہاں گیا؟ جب آپ عوام کو انصاف نہیں دے سکتے تو ان کے ٹیکسز سے مراعات اور تنخواہیں کیوں لیتے ہیں؟ کراچی میں کیسا الیکشن تھا کہ نو لاکھ ہار گئے سوا تین لاکھ جیت گئے، آپ ایک شہر میں شفاف الیکشن نہیں کروا سکے، پورے ملک میں کیسے کرائیں گے؟سراج الحق نے الیکشن کمیشن پر زور دیا کہ کراچی میئرسلیکشن پراسس کو کالعدم قراد دے کر غائب شدہ بلدیاتی نمائندوں کو حاضر کرکے دوبارہ شفاف انتخابات کا انعقاد یقینی بنایا جائے۔ان خیالات کااظہار انہوں نے اسلام آباد میں الیکشن کمیشن ہیڈآفس کے سامنے بڑے عوامی واحتجاجی مظاہرے سے خطاب کرتے ہوئے کیا