عید الاضحٰی پرسرکاری ملازمین کیلئےخوشخبری

چھٹیوں کے نوٹی فکیشن پر نظرثانی کے بعد کابینہ ڈویژن نے سرکاری چھٹیوں کا نیا نوٹیفکیشن  جاری کر دیا ہے جس کے تحت وفاقی سطح پر عید پر 3 روز کی سرکاری چھٹی ہوگی، وفاقی ملازمین بدھ سے جمعہ تک چھٹیکر سکیں گے۔نوٹیفکیشن میں کہا گیا ہے کہ ہفتے میں چھ روز کام کرنے والے دفاتر کیلئے چار چھٹیوں کا اعلان کیا گیا ہے،  جبکہ 6 روز کام کرنے والے دفاتر کیلئے 28 جون سے یکم جولائی تک چھٹی ہوگی۔

قبل ازیں حکومت نے تین روزہ عید تعطیلات 29 جون تا یکم جولائی کا نوٹیفکیشن  جاری کیا گیا تھا،ادھراسٹیٹ بینک آف پاکستان نے اعلان کیا ہےکہ 29 اور 30 جون  بروزجمعرات اور جمعہ کو عید الاضحی کے موقع پر عام تعطیلات کے باعث تمام بنکس بند رہیں گے جبکہ ہفتہ اور اتوار کو معمول کی تعطیل ہوگی۔واضح رہے کہ جولائی کے پہلے دن کام کے حوالے سے ہمیشہ بینک چھٹی کے طور پر مناتے ہیں ۔ اس طرح یکم جولائی کو بھی بنک لین دین بند رکھیں گے۔