پشاور پولیس لائنز حملےکا ماسٹر مائنڈ سربکف مہمند ماراگیا

سربکف مہمند پشاورپولیس لائنز حملے کے علاوہ بھی  دہشت گردی کی متعدد کارروائیوں کا ماسٹر مائنڈ رہا ہے۔اطلاعات کے مطابق سربکف مہمند کو  ٹی ٹی پی کے مفتی نور ولی محسود گروپ نے زہر دیا تھا، اس کا ایک سبب قیادت پر کنٹرول کی جنگ بھی تھی کیونکہ سربکف مہمند کچھ عرصے سے خود کو نور ولی محسود کا نعم البدل بھی ظاہر کررہا تھا۔ذرائع کے مطابق بھتہ خوری اور بداخلاقی پر سربکف مہمند کی ساتھی دہشت گردوں سے شدید اختلافات کی خبریں آئی تھیں۔

قبل ازیں کالعدم جماعت الاحرار کے سربکف مہمند نے اپنی تنظیم ٹی ٹی پی میں ضم کردی تھی۔واضح رہے کہ دہشت گرد سربکف مہمند سوشل میڈیا پرپاکستان مخالف زہریلا پروپیگنڈا کر رہا تھا۔