نکر بیروٹ خورد میں سلنڈر دھماکا، گھر کا ایک حصہ جل کر تباہ

تفصیلات کے مطابق معروف سیاسی سماجی شخصیت حاجی ندیم عباسی حال مقیم نکر قطبال کے گھر سلنڈر لیکج سے زوردار دھماکہ ہوا، عینی شاہدین کے مطابق  دھماکہ اتنا شدید تھا  کہ اس کی آواز دور دور تک سنائی دی۔ اہلیان علاقہ نےموقع پر پہنچ کر آگ پر قابو پا لیا۔ دھماکے میں گھر کا ایک کمرہ اور کجھ سامان جل گیا جبکہ بروقت امدادی کارروائیوں کے باعث کوئی جانی نقصان نہیں ہوا اور متاثرہ گھرکے مکین مکمل طور پر محفوظ رہے۔
یاد رہے کہ ایک ہفتے میں سلنڈر دھماکے کا یہ دوسرا بڑا واقعہ ہے۔ اہلیان علاقہ کا کہنا ہے کہ فان گیس کمپنی اور ایجنسی مالکان ان واقعات کا نوٹس لیں اور عوام ناقص یا لوکل کمپنی کے سلنڈر خریدنے سے گریز کریں۔