رومیو کلر ڈکیت گینگ کے تین ملزمان گرفتار، اسلحہ اور مسروقہ مال برآمد

اس حوالے سے موصولہ تفصیلات کے مطابق تھانہ کوہسار کی حدود میں  گذشتہ چند ماہ سے متحرک 3رُکنی گینگ جوکہ ہل روڈ، پربت روڈ، بلیوایریا، اورفضل الحق روڈ، سٹاک ایکسچینج میٹر واسٹیشن، سیکٹر F-6 اور سیکٹر F-7میں گن پوائنٹ پرشہر یوں کو لوٹنے میں ملوث تھا، اس گینگ نے میڈیا اینکرز کے علاوہ رواں ماہ ایک فرانسیسی شہری کے ساتھ بھی گن پوائنٹ پر واردات کے دوران آئی فون اور قیمتی اشیاء چھینی تھیں۔یہ گروہ رومیو کلر کے نام سے بدنام ہے۔ ملزمان کے قبضے سے وارداتوں میں استعمال ہونے والی 125 موٹرسائیکل، اسلحہ معہ ایمونیشن، چھینے گئے لاکھوں روپے مالیت کے قیمتی موبائل فون، نقدی برآمد کرلی گئی ہے،ملزمان نے ابتدائی تفتیش میں 25 سے زائد وارداتوں کا انکشاف کیا ہے

کوہسار کے علاوہ تھانہ کراچی کمپنی، آبپارہ اور انڈسٹریل ایریاکی حدود میں وارداتوں کے انکشاف بھی کئے ہیں،ملزمان انتہائی خطرناک اور سابقہ ریکارڈ یافتہ ہیں ملزمان سے بقایا مقدمات کی ریکوری کے ساتھ فرانسیسی شہری اورمیڈیا اینکر پرسن کے کیس کے آئی فون بھی برآمد کرلیے گئے ہیں اور ملزمان کے قبضہ سے ریکور ہونے والے موبائل فونز کے IMEI نمبرز کی تفصیل بھی جاری کی جارہی ہے۔ آئی سی سی پی او ڈاکٹر اکبر ناصر خاں اور سی پی او، ڈی آئی جی آپریشنز سید شہزاد ندیم بخاری نے پولیس ٹیم کو شاباش دیتے ہوئے انعامات کا اعلان کیا ہے۔