میرانشاہ میں فورسز سےجھڑپ میں 3 دہشت گردہلاک، 3 فوجی شہید

ہلاک ہونے والے دہشت گردوں  کے قبضے سے ہتھیار اور گولہ بارود بھی برآمد ہوا، آئی ایس پی آر کے مطابق سکیورٹی فورسز نے مؤثر طریقے سے دہشت گردوں کے ٹھکانے کا پتہ لگایا۔دہشت گردوں کی گولیاں کھا کر مادر وطن پر قربان ہونے والے شہدا میں صوبیدار اصغرعلی، سپاہی نسیم خان اور سپاہی محمد زمان شامل ہیں، صوبیدار اصغرعلی شہید کی عمر 40 سال اور تعلق لکی مروت سے تھا، سپاہی نسیم خان شہیدکی عمر  صرف 26 برس تھی اور ان کا تعلق بھی لکی مروت سے تھا، سپاہی محمد زمان شہید کی عمر 22 سال اور اس کا تعلق ایبٹ آباد سے تھا۔

پاک فوج کے شہید جوانوں نے دہشت گردوں کا جرات وبہادری سے مقابلہ کیا، آئی ایس پی آر کے مطابق مسلح افواج دہشت گردی کے ناسور کے جڑ سے خاتمے کے لیے پرُعزم ہیں، بہادر جوانوں کی لازوال قربانیاں ہمارے عزم کو مزید مضبوط کرتی ہیں۔