شاہین صہبائی،حیدرمہدی،وجاہت سعیداور عادل راجہ کیخلاف مقدمہ

اس حوالے سے اسلام آباد کے تھانہ رمنا میں  مقدمہ درج  کراتے ہو ئے  محمد اسلم نامی شہری  نےموقف اختیار کیا کہ میں 9 مئی 2023 کو  ترمزی مسجد چوک 11/1-G میں موجود تھا کہ مشتعل ہجوم نے توڑ پھوڑ اور دہشت گردی پھیلائی، میں اپنے ذاتی کام کے سلسلے میں جار ہا تھا کہ جب دہشت گردی پھیلانے والے عناصر کے پاس سے گزرا تو 25 نامعلوم لوگ جن کو سامنے آنے پر شناخت کر سکتا ہوں، شاہین صہبائی،سید حیدر رضا مہدی، وجاہت سعید خان اور عادل فاروق راجہ کے ویڈیو پیغامات اور ٹویٹر اکاؤنٹ کے سکرین شاٹ اور سوشل میڈیا کے سکرین شاٹ کے ذریعے لوگوں کو  جلاؤ گھیراؤ پر اکسار ہے تھے جسس کا مقصد سب لوگوں کو عسکری تنصیبات پر حملہ کر کے ملک میں بغاوت اور انتشار پھیلانا تھا،

مقدمے کے مطابق یہ تمام لوگ براہ راست 9 مئی کے واقعات میں اپنے ویڈیو پیغامات اور دیگر ذرائع سے دہشت گردی کے لئے اکساتے رہے اور دہشتگردی کے تمام عوامل کی تشہیر بھی کرتے رہے ۔ مدعی کے مطابق جب میں نے مزید تجسس پر ان افراد کے سوشل میڈیا کو چیک کیا تو اس بات کا ادراک  ہوا کہ تمام مندرجہ بالا اشخاص ایک منظم سازش کے ذریعے باہم صلاح مشورے کے ساتھ  غیر ملکی اور دشمن ایجنسیوں کے آلہ کار بنے ہوئے ہیں اور پاک فوج کو بد نام کر رہے ہیں اور فوجی جوانوں کے اندر بغاوت ان کے حلف سے رو گردانی کرانا چاہتے ہیں اس طرح پاک فوج کو کمزور کر کے ملک کے اندر دہشت گردی کو پروان چڑھانا چاہتے ہیں اسطرح ملک کے اندر بغاوت اور خانہ جنگی کروانا چاہتے ہیں۔

مدعی کے مطابق اس مذموم مقصد کے حصول کے لئے  اکثر اوقات  یہ افراد اپنی پاک فوج کے خلافہرزہ سرائی کرتے رہتے ہیں اور دہشت گردوں کے عوامل اور کاروائیوں کو اجا گر کرتے رہتے ہیں۔ ان حرکات کا مقصد عوام اور حکومت کے اندر خوف اور دہشت پیدا کرنا ہے اور سرکاری املاک پر حملے کرانا اور جلاؤ گھر اؤ اور توڑ پھوڑ کے ذریعے دہشت گردی پھیلانا ہے۔ اس طرح سرکاری اور عسکری تنصیبات پر حملے کرا کر اور اسی طرح قانون نافذ کرنے والے اداروں اور ایجنسیوں پر حملے کروا کر دہشت گردی پھیلانا ہے اور ملزمان کے اس انداز سے دہشتگردی کے واقعات میں براہ راست پیغامات کے ذریعے ملوث ہو کر عوام میں خوف اور دہشت کی فضا پیدا ہو گئی ہے، پولیس نے دہشت گردی کی دفعات کے تحت مقدمہ درج کر کے مزید تفتیش شروع کر دی ہے
۔۔۔۔۔