یاسمین راشد کاریمانڈ،خدیجہ شاہ سمیت 8 خواتین نے ضمانت کیلئے درخواست دiدی

عسکری ٹاور حملہ اور جلاؤ گھیراؤ مقدمہ میں یاسمین راشد کے خلاف انسداد دہشت گردی عدالت میں سماعت ہوئی۔ پولیس نے ڈاکٹر یاسمین راشد کو جیل سے لاکرپیش کیا اور عدالت سے استدعا کی کہ مزید تفتیش کیلئے ان کا جسمانی ریمانڈ دیا جائے۔ عدالت نے  استدعا منظور کرتے ہوئےدو دن کا جسمانی ریمانڈ دے دیا، اورہدایت کی کہ 12 جون کو ڈاکٹر یاسمین راشد کو دوبارہ عدالت میں پیش کیا جائے۔واضح رہے کہ ڈاکٹر یاسمین راشد پر گلبرگ  لاہور میں عسکری  ٹاور کو جلانے سمیت دیگر الزامات کے تحت مقدمہ درج کیا گیاہے۔

ادھر جناح ہاؤس حملہ اور جلاؤ گھیرا ؤ کے کیس میں پی ٹی آئی کی خدیجہ شاہ، صنم جاوید،طیبہ راجہ،عالیہ حمزہ سمیت آٹھ خواتین  نے ضمانت کیلئے درخواست دائرکر دی ہے۔ انسداد دہشت گردی عدالت کےجج اعجاز احمد بٹر نے درخواستوں کی  سماعت کی۔ عدالت نےپراسیکیوشن کو 12 جون کیلئےنوٹس جاری کر دیے اور آئندہ سماعت پر پولیس سےمقدمےکا ریکارڈ طلب کر لیا۔۔