قربانی کے جانوروں میں کانگو وائرس کا خدشہ، الرٹ جاری

ماہرین کا کہنا ہے کہ  قربانی کی عید سے پہلے  بڑے پیمانے پر مویشیوں کی ملک گیر نقل و حمل ہوتی ہے جس کی وجہ سے عید کے دنوں میں کانگو وائرس کے پھیلائو کا خدشہ بڑھ جاتا ہے۔احتیاطی تدابیر کے حوالے سے کہا گیا ہے کہ  خریدار پوری آستین والے کپڑے پہن کر مویشی منڈی جائیں اور واپسی پر فوراً نہا کر لباس بدل لیں۔ اس کے علاوہ بچوں کو مویشی منڈی لے جانے سے گریز کیا جائے۔

قومی ادارہ صحت کے ماہرین کی جانب سے کانگو وائرس کے حوالے سے تیار کردہ ہدایت نامہ متعلقہ وفاقی و صوبائی اداروں کو بھجوا دیا گیا ہے تاکہ اس کی روشنی میں ضروری احتیاطی تدابیر اختیار کی جا سکیں۔

قومی ادارہ صحت کا کہنا ہے کہ کانگو وائرس کا پھیلاؤ روکنے کے لیے بروقت اقدامات ناگزیر ہیں، کیونکہ بروقت حفاظتی اقدامات سے ہی کانگو وائرسسے بچائو ممکن ہو سکتا ہے، واضح رہے کہ کانگو بخار خطرناک نیرو نامی وائرس سے لاحق ہوتا ہے جو جان لیوا ثابت ہو سکتا ہے۔