بجٹ میں فری لانسرز کیلئے کن مراعات کا اعلان کیا گیا؟

* آئی ٹی برآمدات کو بڑھانے کے لیے انکم ٹیکس 0.25 فیصد کی رعایتی شرح کی سہولت 30 جون 2026 تک جاری رکھی جائے گی،

٭کاروباری ماحول میں آسانیاں پیدا کرنے کے لیے 24 ہزار ڈالر تک کی سالانہ  برآمدات پر فری لانسرز کو سیلز ٹیکس رجسٹریشن اور گوشواروں سے مستثنیٰ قرار دیا گیا ہے۔

٭ آئی ٹی خدمات فراہم کرنے والوں کو اجازت ہو گی کہ وہ اپنی برآمدات کے ایک فیصد کے برابر مالیت کے سافٹ وئیر اور ہارڈ وئیر بغیر ٹیکس درآمد کر سکیں گے، ان درآمدات کی حد 50 ہزار ڈالرز سالانہ مقرر کی گئی ہے۔

٭ اسی طرح آئی ٹی خدمات اور ایکسپورٹرز کے لیے آٹومیٹڈ ایگزیمشن سرٹیفکیٹ جاری کرنے کو یقینی بنایا جائے گا اورآئی ٹی کے شعبے کو اسمال میڈیم انٹرپرائزز کا درجہ دیا جارہا ہے جس سے اس شعبے کو انکم ٹیکس ریٹس کا فائدہ ملے گا۔

٭ وزیر خزانہ نے اعلان کیا کہ  اسلام آباد کی حدود میں آئی ٹی سروسز پر سیلز ٹیکس کی موجودہ شرح  15 فیصد سے کم کر کے 5 فیصد کی جارہی ہے، اس کے علاوہ اس شعبے میں قرضوں کی فراہمی کی ترغیب کے لیے بینکوں کو اس شعبے میں 20 فیصد کے رعایتی ٹیکس کا استفادہ حاصل ہوگا،

٭وزیر خزانہ نے بتایا کہ اگلے مالی سال میں 50 ہزار آئی ٹی گریجویٹس کو فنی تربیت دی جائے گی۔