سی ایس ایس کےامتحان میں 98 فیصد امیدوار فیل ہو گئے

ایف پی ایس سی  کے جاری کردہ اعلامیے کے مطابق  2022کے تحریری امتحان میں 20262 امیدواروں نے حصہ لیا،جبکہ تحریری امتحان میں  صرف393 امیدواروں نے کامیابی حاصل کی جو کل امیدواروں کے دو فیصد سے بھی کم بنتی ہے۔ کامیابی حاصل کرنے والوں میں 223 مرد اور 151 خواتین شامل ہیں،اعلامیے کے مطابق سی ایس ایس کے امتحان میں کامیابی کی شرح 1.85فیصد رہی۔

ایف پی ایس سی نے اعلان کیا ہے کہ منتخب امیدواروں کو میرٹ پر سروس گروپس بھی تفویض کر دیے گئے ہیں، کمیشن نے گریڈ 17 میں تقرری کے لیے 374 امیدواروں کی سفارش کی ہے، گریڈ 17 میں تقرری کے لیے 146 مرد اور 91 خواتین امیدواروں کی سفارش کی گئی۔