شاہ محمود قریشی کی عمران خان سے تلخ ملاقات ، چہرہ اتر گیا ۔

ذرائع کا بتانا ہےکہ دونوں رہنماؤں نے کچھ دیر لان میں واک کے دوران بھی گفتگو کی لیکن چیئرمین پی ٹی آئی سے ملاقات کے بعد شاہ محمود کا موبائل فون مسلسل بندملا۔ادھر عمران خان نے اسلام آباد ہائی کورٹ پیشی کے دوران کمرہ عدالت میں کورٹ رپورٹرز سے غیر رسمی گفتگو کرتے ہوئے کہا کہ جو سیاستدان پارٹی چھوڑ کر نئی جماعت میں گئے انھیں گڈ لک کہتا ہوں۔جو لوگ پی ٹی آئی چھوڑ کر جا رہے ہیں اس پر اللہ کا شکر ادا کرتا ہوں کیونکہ اللہ نے پی ٹی آئی کو الیکٹیبلز سے آزاد کر دیا ہے۔تحریک انصاف کے وائس چیئرمین شاہ محمود قریشی کے ساتھ ملاقات کےے حوالے سے پوچھے گئے سوال کے جواب میں عمران خان کا کہنا تھا کہ شاہ محمود سے میٹنگ کیسی رہنی تھی وہ ایک ماہ جیل گزار کر آئے ہیں

۔اس موقع پر عمران خان نے ایک مرتبہ پھر نو مئی کے واقعات کی آزادانہ تحقیقات کی ضرورت پر زور دیتے ہوئے کہا کہ کہ اگر شفاف انکوائری ہوتی ہے تو وہ ثبوت پیش کریں گے۔چیئرمین تحریک انصاف نے کہا کہ پرامن احتجاج کرنا تو آئینی حق ہے لیکن جن افراد نے نو مئی کو عمارتیں جلائیں، ان کے خلاف ایکشن ہونا چاہیے۔انھوں نے کہا کہ پاکستان کے موجودہ مسائل کا حل صرف اور صرف صاف اور شفاف انتخابات ہیں۔ انھوں نے کہا کہ کسی بھی سیاسی لیڈر کو کوئی اور طاقت نہیں بلکہ صرف ووٹرز اور عوام مائنس کرتے ہیں۔اس سوال کے جواب میں چیئرمین تحریک انصاف نے کہا کہ وہ کبھی باہر جانے کا نہیں سوچ سکتے۔