جناح ہاؤس حملہ کیس۔خدیجہ شاہ سمیت13 خواتین پھرجیل روانہ

اس موقع پر تفتیشی افسر نے کہا کہ تمام 13 خواتین کی شناخت پریڈ میں شناخت ہو چکی ہے۔مال مسروقہ،پٹرول بم اور دیگر سامان برآمد کرانا ہے جس کیلئے ملزمان کا مزید جسمانی ریمانڈ درکار ہے تاہم  عدالت نے پولیس کی مزید جسمانی ریمانڈ کی استدعا مسترد کردی۔دوران سماعت سرکاری وکیل نے عدالت میں دلائل دیتے ہوئے کہا کہ خدیجہ شاہ،صنم جاوید سے جسمانی ریمانڈ کے دوران ڈنڈا برآمد کرا لیا ہے۔ خواتین نے پیٹرول بم کا استعمال بھی کیا جو برآمد کرانا مقصود ہے۔ جج نے استفسار کیا کہ آپ نے پہلے جسمانی ریمانڈ میں پیٹرول بم کا نہیں لکھا تھا، آج آپ لکھ کر لے آئے۔بعد ازاں عدالت نے خدیجہ شاہ سمیت دیگر خواتین ملزمان کو14روزہ جوڈیشل ریمانڈ پر جیل بھیج دیا۔

خدیجہ شاہ کو قونصلر رسائی مل گئی

وفاقی  وزارت داخلہ نے امریکی سفارت خانے کی درخواست پر معروف ڈیزائنر خدیجہ شاہ کو قونصلر رسائی دینے کی منظوری دے دی ہے۔خدیجہ شاہ کے معاملے پر امریکی سفارت خانے نے وزارت داخلہ کو درخواست کی تھی  یہ درخواست وزارت خارجہ کے ذریعے وزارت داخلہ کو موصول ہوئی تھی۔وزارت داخلہ نےہوم ڈپارٹمنٹ پنجاب کو امریکی قونصلیٹ لاہور سے تعاون کرنے کی ہدایات جاری کر دی ہے