کاروباری مراکز رات آٹھ بجے تک بند کرنے کا فیصلہ تاجروں نے مسترد کر دیا

اجلاس کے بعد میڈیا سے گفتگو کرتے ہوئے وزیر منصوبہ بندی احسن اقبال کا کہنا تھا کہ متعلقہ صوبائی حکومتیں توانائی بچت کے منصوبے پر عمل درآمد کی ذمہ دار ہیں۔

وفاقی وزیر  نےکہا کہ ہم ملک کے معاشی مسائل حل کرنے کے لیے کوشاں ہیں مگر خدشہ ہے کہ اس سال تیل کی قیمت 100 ڈالر فی بیرل تک نہ چلی جائے۔

انہوں نے کہا کہ ہمیں ترقی کے لیے اپنے طور طریقے بدلنا پڑیں گے۔ ترقی حق کے طور پر نہیں ملے گی اس کے لیے محنت کرنا پڑے گی۔ 10 سال سے پہلے پالیسیاں نتائج نہیں دیتیں۔

دوسری جانب تاجروں نے حکومتی فیصلہ مسترد کر دیا ہے۔آل پاکستان انجمن تاجران کے صدر اجمل بلوچ نے اس حوالے سے اپنے رد عمل میں کہا ہے کہ گرمی کے اس موسم میں رات 8 بجے دکانیں کسی صورت بند نہیں کریں گے۔