اتوار کے روز سورج خانہ کعبہ کے عین اوپر سے گزرا، جس کے نتیجےمیں اس کا سایہ ختم ہوگیا، واضح رہے کہ یہ منظر سال میں دو بار دیکھا جاتا ہے۔
العربیہ نیوز کے مطابق جدہ فلکیاتی کمیٹی نے اس کا پیشگی اعلان کیا تھا۔اتوار کے روز پاکستانی وقت کے مطابق قدرت شان کا یہ حسین نظارہ 2 بج کر 26 پر ہوا،اس کی مدد سے دنیا بھر میں مسلمانوں نے قبلے کی درست سمت کا تعین بغیر قطب نما کے کیا۔ماہرین کا کہنا ہے کہ سال میں صرف دو بار سورج خانہ کعبہ کے ٹھیک اوپر سے گزرتا ہے۔ یہ وقت تب آتا ہے جب سورج اور خانہ کعبہ ایک دوسرے کے عین متوازی یعنی ایک ہی خطِ عمود پر ہوں، اس موقع پر سورج اور خانہ کعبہ کے 90 ڈگری پر ہونے کی وجہ سے خانہ کعبہ کا سایہ بھی دکھائی نہیں دیتا۔
