ماں سمیت 3بچوں کو زندہ جلانے والےسفاک ملزم کو ضمانت مل گئی

گرفتاری کے بعد ملزم جیدی کو پولیس حراست میں میڈیا کے سامنے ہپیش کیا جا رہا ہے۔۔ فائل فوٹو

خالد عباسی پریس کلب ایبٹ آباد میں میڈیا کے سامنے دھائی دیتا رہا اور پریس کانفرنس کرتے ہوئے بتایا کہ نو فروری2023 کو تھانہ نواں شہر کے گاؤں گلی بنیاں میں اس کے گھر آگ لگی جس میں اس کی بیوی، نوجوان بیٹے 22سالہ معین 17 سالہ عبدالمعز اور بیٹی منیبہ کی موت واقعہ ہوگئی۔خاندان کے افراد نے جلی ہوئی لاشوں کی تدفین کی ، بعد ازاں تھانہ نواں شہرپولیس نے بعد ازاں ملزم جواد عرف جیدی جو مقتولین کا قریبی رشتہ دار تھا کو گرفتار کیا جس نے اعتراف کیا کہ اس نے سونے اور نقدی کے لیے قتل کی یہ سفاکانہ واردات کی اورانہیں قتل کرکے پورے مکان کو آگ لگا دی تاکہ تمام ثبوت ختم ہو جائیں اور میں پکڑا نہ جاؤں۔

دو مقتول سگے بھائیوں کی فائل فوٹو

خالد کے مطابق  ملزم جواد عرف جیدی پر پہلے بھی قتل کے الزامات تھے ملزم کی گرفتاری پر ایبٹ آباد پولیس کے افسران  پریس کانفرنس کرکے حقائق سامنے لائے تھے ۔تاہم آج  پشاور ہائی کورٹ ایبٹ آباد کے سنگل بینچ نے ملزم کو ضمانت دے دی۔ خالد عباسی نے پاکستان کے اعلی عدالتی نظام اور حکمرانوں سے فریاد کرتے ہوئے کہا کہ کیا میں خود کو آگ لگا دوں؟ دشت گرد بن جاؤ ں؟کب انصاف ملے گا؟ میری تو دنیا ہی ختم ہوگئ۔ بیوی بیٹی اور دو نوجوان بیٹے قتل ہوگئے، مکان جلا دیا گیا، ۔ خالد نے روتے ہوئے استفسار کیا کہ کیا اتنے سفاک قاتل کو اتنی جلدی اس لئے چھوڑ دیا گیا کہ یہ مزید قتل  کرتا پھرے ۔