عمران خان فوری مذاکرات کیلئے بےتاب "کمزوری نہ سمجھا جائے”

جمعہ کی شب ایک ویڈیو پیغام میں عمران خان نے کہا کہ پاکستان کے حالات مزید خراب ہونے کی صورت میں معاشرہ پھٹ جائے گا اور اسی لیے میں بات چیت کی بات کر رہا ہوں۔اسے میری کمزوری نہ سمجھی جائے۔ ڈنڈوں اور ظلم سے مسائل حل نہیں ہوں گے، یہ صرف قانون کی حکمرانی اور اداروں کو مضبوط کرنے سے ہی ممکن ہو سکتا ہے۔لہٰذا ملک میں مذاکرات کا سلسلہ فوراً شروع ہونا چاہیے۔

عمران خان نے کہا کہ میں آخری سانس تک "حقیقی آزادی” کے لیے جدوجہد کرتا رہوں گا، ملک اس وقت بہت خطرے میں ہے، مجھے اپنے ملک کی فکر ہے،ان کا کہنا تھا کہ اوپن مارکیٹ میں ڈالر 308 روپے کا ہو چکا ہے، بزنس ٹھپ ہو کر رہ گیا ہے، مگر پی ڈی ایم والوں کو اس سے کوئی فرق نہیں پڑ رہا کیونکہ ان کے پیسے باہر پڑے ہیں۔عمران خان نے مزید کہا کہ کور کمانڈر ہاؤس پر حملے کی بات  مجھے چار دن بات سپریم کورٹ میں چیف جسٹس سے پتہ چلی ،میں نے اسی وقت اس کی مذمت کی، اب لوگ پریس کانفرنس  کر کے کہتے ہیں کہ میں فوج کے ساتھ ہوں اور 9 مئی کے واقعات کی مذمت کرتا ہوں۔ انہوں نے کہا کہ 9 مئی کی مذمت کون نہیں کرتا، کوئی بھی نہیں چاہے گا کہ ملک کی فوج کمزور ہو۔

عمران/ پیشکش