بکوٹ(نوید اکرم عباسی ) تھانہ بکوٹ کی حدود مجہوہاں یونین کونسل نمبل میں بارش کے بعد اچانک لینڈ سلائیڈنگ کے نتیجے میں باسط قدیر نامی شخص کا مکان ملبے تلے دب گیا ، اطلاع ملنے پر بکوٹ پولیس نے بروقت کاروائی کی۔
تھانہ بکوٹ کے ایس ایچ او سردار نازک محمود کی نگرانی میں ان کی پولیس ٹیم کے جوان بروقت مدد کیلئے پہنچ گئے اور اہلیان علاقہ کے ہمراہ امدادی سرگرمیوں میں حصہ لیا۔ اس طرح متاثرہ گھر کے مکینوں کو محفوظ مقام پر پہنچادیا گیا۔
مکان گرنے کے نتیجے میں گھر کے تمام افراد بروقت ریسکیو کر لئے گئے جبکہ متعدد مویشی دب جانے کی اطلاع ملی ہے۔
بکوٹ کے قریب لینڈ سلائیڈنگ ،گھر دب گیا، مکین محفوظ
