عمران ،بشری سمیت 900 پی ٹی آئی رہنما بیرون ملک نہیں جاسکتے

ذرائع کا کہنا ہے کہ  وزارت داخلہ نے تحریک انصاف کے 80سابق ارکان اسمبلی کے نام بھی نوفلائی لسٹ میں ڈال دیئے ہیں ، جن رہنماؤں اور سابق ارکان پارلیمنٹ کے بیرون ملک جانے پر پابندی عائد کی گئی ہے،ان میں سابق ڈپٹی اسپیکر قومی اسمبلی قاسم سوری، اسد عمر، سابق اسپیکر اسد قیصر، مراد سعید، ملیکہ بخاری، فواد چوہدری، حماد اظہر، یاسمین راشد، اسلم اقبال ودیگر شامل ہیں ۔اس حوالے سے وزارت داخلہ نے ائیر پورٹس پر الرٹ جاری کرتے ہوئے متعلقہ حکام فہرست فراہم کردی ہے ۔حکام کو ہدایت کی گئی ہے کہ فہرست میں شامل کسی رہنما یا عہدیدار کو کسی صورت بیرون ملک نہ جانے دیا جائے۔