شیریں مزاری چوتھی بار گجرات پولیس کے ہاتھوں گرفتار

تحریک انصاف کی رہنما سابق وزیر برائئے انسانی حقوق شیریں مزاری  عدالتی حکم پر رہائی ملتے ہی  چوتھی بار بھی گرفتار کر لی گئیں اور اب کی بار انہیں گجرات پولیس نے حراست میں لیا ہے ۔قبل ازیں لاہور ہائیکورٹ راولپنڈی بینچ میں شیریں مزاری کی نظربندی کے خلاف دائر درخواست پر سماعت ہوئی۔ کیس کی سماعت جسٹس چوہدری عبدالعزیز نے کی۔ شیریں مزاری کے وکلا بیرسٹر شعیب رزاق اور انیق کھٹانہ عدالت میں پیش ہوئے۔عدالت نے شیریں مزاری کو رہا کرنے کا حکم جاری کیا اور کہا کہ اگر وہ کسی اور مقدمے میں نامزد نہیں تو انہیں دوبارہ گرفتارنہ کیا جائے۔لیکن عدالتی حکم کے بعد اڈیالہ جیل سے رہائی پانے کے فوری بعد انہیں ایک بار پھر گرفتار کر لیا گیا۔