پنڈی دھرنے کا مقصدعاصم منیرکو آرمی چیف بننے سے روکناتھا۔فیصل واوڈا کاانکشاف

تحریک انصاف کے منحرف رہنما اور سابق وفاقی وزیر فیصل واڈا نے کہا ہے کہ تحریک انصاف کا راولپنڈی دھرنا جنرل عاصم منیر کو آرمی چیف بننے سے روکنے کے لیے دیا گیا تھا۔
نجی ٹی وی پروگرام میں گفتگو کرتے ہوئے سابق وفاقی وزیر نے انکشاف کیا کہ کچھ لوگوں کی پوری کوشش تھی کہ جنرل عاصم منیر آرمی چیف نہ بن سکیں اور یہ تقرری روکنے کے لیے ہی دراصل سینئر صحافی ارشد شریف کو قتل کیا گیا تھا۔
فیصل واڈا نے مزید بتایا کہ عمران خان نے جنرل عاصم منیر کو ایمانداری سے کام کرنے پر ڈی جی آئی ایس آئی کے عہدے سے ہٹایا تھا۔  واڈا کے بقول میں نے جنرل عاصم منیر کو کہا تھا کہ آپ جو کرنے جا رہے ہیں یہ آپ کے لئے نقصان دہ ہوگا، تاہم ان کا کہنا تھا کہ اپنے ملک کے ساتھ بے ایمانی کیسے کر سکتا ہوں۔