یو سی پلک کا نوجوان پستول صاف کرتےگولی لگنےسے جاں بحق

راولپنڈی کے علاقے صادق آباد میں ایک المناک حادثہ پیش آیا ہے جس میں یوسی پلک دروازہ سے تعلق رکھنے والے فریدعباسی مرحوم  کا جواں سالہ  بیٹا ثاقب فریدعباسی گولی لگنے کے نتیجے میں جاں بحق ہو گیا۔ اس حوالے سے ملنے والی
ابتدائی اطلاعات  کے مطابق ثاقب فرید صادق آباد میں واقع اپنے گھر میں اپنا ہی پستول صاف کر رہے تھے کہ اپنے ہی ہاتھ سے گولی چل گئی، جس سے وہ شدید زخمی ہوگئے ،انہیں   فوری طور پر اسپتال پہنچایا گیا تاہم وہ کچھ ہی دیر بعد زخم کی تاب نہ لاتےہوئے اپنے خالق حقیقی سے جا ملے ۔
جواں سال موت پر علاقے کی ہر آنکھ اشکبار ہے، واضح رہے کہ مرحوم ثاقب عباسی کے والد فرید عباسی کچھ عرصہ پہلے انتقال کر گئے تھے۔