سراج الحق کےقافلے پرخودکش حملےکیخلاف اسلام آباد میں احتجاج

بعد ازاں کارکنان سے خطاب کر تے ہو ئے میاں محمد اسلم نے امیر جماعت اسلامی سراج الحق کے قافلے پر بم حملے کی شدید مذمت کرتے ہوئے کہا ہے کہ امیر جماعت پرحملہ صوبائی حکومت کی بد ترین ناکامی ہے ، حکومت کی ذمہ داری ہے کہ تمام سیاسی قائدین اور شہریوں کے جان ومال کے تحفظ کو یقینی بنائے ،انھوں نے کہا کہ ملک میں26سیکیورٹی ایجنسیاں کام کر رہی ہیں ہم پوچھنا چاہتے ہیں یہ اپنا کام کیوں نہیں کر رہیں ، اگر ملک کے سیکیورٹی ادارے قومی قیادت کو بھی اگر تحفظ نہیں دے سکتے تو پھر ان کی کار کردگی پر سوالیہ نشان ہے ، سراج الحق پاکستان بھر کے مظلوموں کے قائد ہیں،جماعت اسلامی ایک پُرامن جماعت ہے ، آئینی و قانونی اور جمہوری جدو جہد پر یقین رکھتی ہے ، ہم نے دہشت گردی کی ہمیشہ مذمت کی ہے اور بلوچستان کے مظلوم و محکوم عوام سمیت ملک بھر کے پسے ہوئے طبقات اور عوام کے حقوق کے لیے آواز اُٹھائی ہے ، سراج الحق صاحب موجودہ کشیدہ سیاسی صورتحال کے حوالے سے بھی ملک میں افہام و تفہیم کی کوششوں میں مصروف ہیں۔
مولانا عبدالاکبر چترالی نے کہا سراج الحق پر حملہ کا مقصد ملک میں افراتفری کی صورت حال پیدا کرنا ہے،امیر جماعت اسلامی پاکستان بھر کے مظلوم عوام کے ترجمان ہیں،دہشت گرد عناصر اور انکے سرپرست کو ناپاک عزائم میں کامیاب نہیں ہوسکیں گے، جو حکمران قومی رہنماﺅں کو تحفظ نہیں دے سکتے وہ عوام کا کیا تحفظ کر یں گے ،بم دھماکوں سے جماعت اسلامی کو ڈرایا نہیں جاسکتا۔
محمد کاشف چوہدری نے کہا سراج الحق کے قافلے پر خودکش حملہ وفاقی اور صوبائی حکومت کی مکمل ناکامی کا ثبوت ہے، حکومت کی ذمہ داری ہے کہ تمام سیاسی قائدین اور شہریوں کی جان ومال کے تحفظ کو یقینی بنائے، جماعت اسلامی ایک پ ±رامن جماعت ہے، آئینی و قانونی اور جمہوری جدو جہد پر یقین رکھتی ہے، سراج الحق پر حملہ بزدلانہ کاروائی اور حکومت کی نااہلی ہے، حکومت شہریوں کی جان و مال کی حفاظت میں ناکام ثابت ہوئی ہے۔