خودکش حملےمیں سراج الحق معجزانہ طورپرمحفوظ۔،حملہ آورکون؟

دھماکہ جمعہ کے روز اس وقت ہوا جب سراج الحق ژوب میں جلسے سے خطاب کے لئے کارواں کی صورت میں جارہے تھے۔دھماکے کے وقت معمولی بھگڈر مچنے کے بعد کارکنان پھر جمع ہوگئے اور ذخمیوں کو اسپتال منتقل کیا گیا جبکہ خود سراج الحق بھی زخمیوں کے ہمراہ اسپتال پہنچے۔انہوں نے حملے کے باوجود جلسے سے خطاب کیا اور کہا کہ موت اور زندگی رب کریم کے ہاتھ میں ہے۔زخمیوں کی اسپتال منتقلی کے بعد سراج الحق جلسہ گاہ پہنچ گئے۔انہوں نے خطاب کرتے ہوئے مزید کہا کہ اللہ جسے محفوظ رکھے،  اسے کوئی نہیں مار سکتا۔انہوں نے کہا کہ جماعت اسلامی ایسا پاکستان چاہتی ہے،جس میں ہر بچہ تعلیم حاصل کرے۔امن اور خوشحالی ہو۔آج ملک میں کرپشن،مہنگائی، بیروزگاری ارو بدامنی عام ہے۔انہوں نے کہا کہ حکمرانوں کی وجہ سے ملک سیاسی، معاشی اورآئینی بحران کا شکارہے۔مفاد پرست ٹولے نے ملک کو یرغمال بنایا ہوا ہے، عوام صحیح نمائندوں کا انتخاب کریں تو ملک ترقی یافتہ اورخوشحال بن سکتا ہے۔

دریں اثنا  وزیراعظم سمیت حکومتی ذمہ داروں اور  سیاسی مذہبی رہنماؤں نے حملے کی مذمت کرتے ہوئے زخمیوں کی جلد صحت یابی کی دعا کی ہے۔جبکہ  وزیراعظم نے صوبائی حکومت کو فوری تحقیقات کرکے ملوث کرداروں کو کٹہرے میں لانے کی ہدایت کی ہے۔