کوہسار کےمعروف سوشل میڈیا ایکٹیوسٹ فرخ عباسی سپرد خاک

ان کا تعلق مری کے گاؤں بن کوٹل سے تھا، تاہم وہ طویل عرصے سے بہارہ کہو اسلام آباد میں بسلسلہ کاروبار مقیم تھے۔فرخ عباسی ایک ہنس مکھ،ملنسار اور درد دل رکھنے والے منکسر المزاج انسان تھے اور اپنی انہی خوبیوں کی بنا پر وہ ہردلعزیز  تھے اور وسیع حلقہ احباب رکھتے تھے۔

مری ڈویلپمنٹ فورم کا اظہار غم

مری کا روشن چہرہ، ہمارے دلعزیز بھائی فرخ عزیز کی ناگہانی موت نے پورے خطہ کوہسار کو سوگوار کر دیا ہے۔ فرخ بھائی مری ڈویلپمنٹ فورم کا کلیدی حصہ تھے. کبھی چار چار گھنٹے کھڑے رہ کر پروگرام کی کوریج، کبھی گاڑی کی ڈِگی میں بیٹھ کر مری میراتھون ریس کی کوریج، کبھی گھنٹوں لگا کر سیلاب زدگان کی امداد کی کوریج، کبھی ویب ڈویلپمنٹ پروگرام تو کبھی شجرکاری مہم کی کوریج، کبھی ایجوکیشن فار آل کے پروگرام کی کوریج، برف میں پھنسے سیاحوں کی امداد کی کوریج، کسی کے چلے جانے یعنی فوتگی تو کبھی کسی کی شادی کی کوریج، کسی مجبور بے سہارا اور مصیبت زدہ کی امداد کیلیے کوریج، سخت گرمی، سخت سردی اور برفباری میں بھی کوریج، پہاڑی زبان، کلچر، روایات، اور بوڑھے بابوں کی باتوں اور ماضی کے قصوں کی کوریج،  گویا فرخ بھائی نے کبھی مری ڈویلپمنٹ فورم کو نہ نہیں کی، ہر دم تیار، مستعد اور میں حاضر والا انداز اپنایا۔

فرخ عزیز عباسی کی مری کی خدمت، کلچر، زبان، ادب، اور روایات کی خدمت کی ایک طویل فہرست ہے.
مری ڈویلپمنٹ فورم فرخ عزیز عباسی بھائی کے خاندان کے غم میں برابر کا شریک ہے.
اللہ آپ کو انسانیت کیلئے ان بے لوث خدمات کے عوض جنت میں اپنی شان کے مطابق مقام عطا فرمائے۔ آمین.