عمران خان کا دھواں دھار خطاب،مگر زمان پارک ویران ۔۔ ایسا کیوں ہوا؟

یہ امر قابل ذکر ہے کہ ماضی میں کسی بھی ممکنہ پولیس کارروائی یا چھاپے  کی اطلاع ملنے پر سوشل میڈیا کے ذریعے زمان پارک پہنچو کا نعرہ بلند ہوتا اور  عمران خان کی رہائش گاہ پر ہزاروں کارکن جمع کر لئے جاتے تھے ،تاہم اس بار ایسا نہ ہوسکا۔ 9 مئی کے پر تشدد واقعات کے بعد کی صورتحال میں پی ٹی آئی رہنمائوں اور کارکنوں نے گرفتاری کے خوف سے چپ سادھ لی اور زمان پاک ویران دکھائی دیا۔ واضح رہے کہ زمان پارک پر عام حالات میں دن رات  میلے کا سماں رہتا تھا اور کارکنوں کی بڑی تعداد میں موجودگی کے ان کیلئے   دیگیں  پکا کرتی  تھیں۔ لیکن اب صورت حال برعکس ہے اورگزشتہ روز وہاں  صرف ایک درجن کے قریب سیکیورٹی گارڈز موجود تھے جن کیلئے ایک چھوٹی سی دیگچی میں کھاناتیار گیا۔

یہاں یہ امر قابل ذکر ہے کہ پولیس کی جانب سے بدھ کو گاڑیوں کی چیکنگ کیلئے زمان پارک جانے والے راستے بلاک کر نے کے بعد رات کو گیارہ بجے کے قریب  جیسے ہی راستہ کھلا تو سب سے پہلے پی ٹی آئی سوشل میڈیا ٹیم کا گروپ زمان پارک پہنچا ۔ جو کافی دیر تک عمران خان سے ملاقات کیلئے انتظار کرتے رہے۔