شیریں مزاری ،علی محمد اور ملیکہ بخاری رہائی کے بعد پھر گرفتار

اس حوالے سے موصولہ تفصیل کے مطابق سابق وفاقی وزیر اور پاکستان تحریک انصاف کی رہنما ڈاکٹر شیریں مزاری کو بدھ کی شب تیسری بار حراست میں لے لیا گیا ، انہیں  راولپنڈی پولیس نے حراست میں لینے کے بعد نامعلوم مقام پر منتقل کر دیا ہے۔ واضح رہے کہ اسلام آباد ہائیکورٹ نےشیریں مزاری کی حراست کو کالعدم قرار دیتے ہوئے  فوری رہا کرنے کا حکم دیا تھا جس کے بعد رہا ہو کر وہ گھر پہنچ گئی تھیں تاہم انہیں ایک بار پھر حراست میں لے لیا گیا۔

۔

دریں اثنا  اسلام آباد ہائیکورٹ نے  ملیکہ بخاری کو رہاکرنے کے احکامات دیے تھےجس کے بعد انہیں  رہابھی  کر دیا گیاتھا ، تاہم رہائی کے بعد پنجاب  کی لیڈی پولیس نے ملیکہ بخاری کو  دوبارہ اڈیالہ جیل کے باہر سے  گرفتار کر کے نامعلوم مقام پر منتقل کر دیاہے،

ادھر ترجمان اسلام آباد  پولیس کی جانب سے جاری کردہ بیان میں کہاگیا ہے کہ اسلام آباد پولیس نے ملیکہ بخاری کو گرفتار نہیں کیا ہے۔ دریں اثناء تحریک انصاف کے رہنما علی محمد خان کو ہائی کورٹ کے احکامات پر رہائی ملنے کے بعد ڈسٹرکٹ جیل جہلم کے باہر سے پنجاب پولیس کے اہلکاروں نے گرفتار کر لیا اور  نامعلوم مقام پر منتقل کر دیا ہے۔