طویل دھرنے کی تیاری کے باوجود ایک روزہ احتجاج کیوں ؟

تاہم جب چودہ مئی کوپنجاب میں الیکشن سے متعلق مقدمے کی سماعت شروع ہوئی تو چیف جسٹس کا لب و لہجہ مختلف تھا۔انہوں نے تحریک انصاف کے وکیل کی سرزنش کرتے ہوئے کہا کہ ملک میں سرکاری املاک کو جلایا جائے گا تو معمول کے کام کیسے ہوں گے۔انہوں نے ایک بار پھر سیاسی جماعتوں کو الیکشن کے حوالے سے اتفاق رائے پیدا کرنے کے لیے مذاکرات کی تجویز دی۔اس کے ساتھ ہی مقدمے کی سماعت ایک ہفتے کے لیے ملتوی کردی گئی۔

دوسری جانب حکومتی اتحاد کا اجتماع اگرچہ خاصہ پرجوش تھا جس میں چیف جسٹس اور ان کے ہم خیال ججز کے حوالے سے دھواں دھار تقاریر کی گئیں۔ مسلم لیگ نون کی رہنما مریم نواز نے چیف جسٹس کے استعفے کا بھی مطالبہ کیا تاہم تیاری کے باوجود دھرنے کا فیصلہ ملتوی کر دیا گیا اور اسے ایک روزہ احتجاج تک محدود رکھا گیا،تاہم  مولانا فضل الرحمن نے خبردار کیا کہ اگر آئندہ ہفتے کی سماعت میں پھر کوئی سخت فیصلہ کیا گیا تو کارکنوں کو دھرنے کے لیے دوبارہ بلایا جا سکتا ہے۔
مولانا فضل الرحمن کے خطاب کے بعد دھرنے کے شرکاء پر امن طور پر منتشر ہو گئے اور اپنے اپنے شہروں کو واپس چلے گئے۔