پولیس کریک ڈاؤن جاری۔ سیف اللہ نیازی۔ محمود الرشید اور فردوس شمیم نقوی گرفتار

اتوار کے روز   اسلام آباد پولیس نے تحریک انصاف کے ایک اہم رہنما سینیٹر سیف اللہ نیازی کو  گرفتار کر لیا گیا۔ پولیس حکام نے گرفتاری کی تصدیق کرتے ہوئے کہا ہے کہ سینیٹر سیف اللہ نیازی کو حراست میں لے کر نامعلوم مقام پر منتقل کر دیا گیا ۔لاہور سے تحریکِ انصاف کے رہنما سابق وزیر میاں محمود الرشید گرفتار کر لیا گیا۔لاہور پولیس کے ذرائع کے مطابق سی آئی اے اقبال ٹاؤن نے میاں محمود الرشید کو اتوار کی صبح ڈیفنس کے علاقے سے گرفتار کیا۔ ان کے خلاف 9 مئی کے واقعات میں ایک شخص کی ہلاکت کا مقدمہ درج ہے۔اس کے علاوہ پنجاب پولیس نے  سابق وزیر تجارت حماد اظہر کےسیکریٹری کو بھی گرفتار کرلیا ہے جبکہ کئی دیگر رہنمائوں کی گرفتاری کیلئے چھاپے مارے جا رہے ہیں۔

کراچی پولیس نے بلاک 13نزد پہلوان گوٹھ میں چھاپہ مارکر پی ٹی آئی کے رہنما فردوس شمیم نقوی سمیت چار کارکنان کو گرفتارکرکے تھانے منتقل کردیا ، پفردوس شمیم نقوی کے خلاف مختلف تھانوں میں حالیہ احتجاج کے بعد کئی مقدمات درج تھے جس میں یہ مفرور تھے ، پولیس ذرائع کے مطابق نرسری پر انصاف ہاؤس کے پاس احتجاج کرنے والی خواتین کو بھی حراست میں لے لیکر نامعلوم مقام پر منتقل کردیا گیا ، پولیس حکام کا کہنا ہے کہ پولیس اب تک پی ٹی آئی کی اعلیٰ قیادت اورکارکنان کے خلاف 29مقدمات درج کرچکی ہے جس میں گرفتاریاں تین سو سے زائد ہوچکی ہیں جبکہ پولیس اور متعلقہ اداروں کی جانب سے پی ٹی آئی کے کارکنان کے خلاف گھیرا تنگ کرکے گرفتاریوں کا سلسلہ جاری رکھا ہوا ہے۔