دوران حراست عمران خان بابر اعوان سے بھی رابطے میں رہے؟

ہفتے کے روز عرب نیوز سے گفتگو کرتے ہوئے انہوں نے کہا کہ گرفتاری کے روز عمران خان کو ٹی وی تک رسائی نہیں تھی۔جس پر رپورٹر نے پوچھا کہ آپ کو کیسے پتا چلا کہ انہیں ٹی وی تک رسائی نہیں تھی؟ اس پر بابر اعوان نے کہا کہ میں اسی شہر میں رہتا ہوں، ہمیں رابطے کرنے کے سارے طریقے معلوم ہیں۔

یہ امر قابل ذکر ہے کہ اس سے پہلے عمران خان کی گرفتاری کے بعد پارٹی رہنما مسرت جمشید چیمہ سے رابطے کی آڈیو بھی لیک ہوچکی ہے جس میں وہ اپنا مقدمہ سپریم کورٹ لے جانے کی ہدایات دے رہے ہیں۔دوسری طرف گزشتہ روز عمران خان نے سپریم کورٹ میں دعویٰ کیا تھا کہ 9 مئی کے پرتشدد واقعات کا انھیں علم ہی نہیں تھا، وہ تو حراست میں تھے۔مبصرین کے مطابق سوال یہ ہے کہ  عمران خان کو بابر اعوان اور مسرت جمشید چیمہ کے نمبر کیسے یاد تھے؟ کیا عمران خان نے یہ نمبر اپنے موبائل فون سے ملائے؟ کیا نیب حراست کے اندر بھی عمران خان کے سہولت کار موجود تھے؟ کیا عمران خان کا موبائل بھی چالو تھا؟ بابر اعوان کے انکشاف کے بعد اس قسم کےکئی سوال پیدا ہو گئے ہیں۔