چیف جسٹس سیاسی ردعمل کیلئے تیار رہیں: مریم نواز کا انتباہ

جمعہ کی شام اپنی ٹوئٹ میں مریم نواز نے نے کہا کہ چیف جسٹس ہونے کا مطلب یہ نہیں کہ ریاست کو ایک شخص (عمران خان )کی غلامی میں دے دیا جائے، ایک ایسا  شخص جس نے پالتو غنڈوں کے ذریعے قومی وقار اور ملکی دفاع کی علامات کو جلا کر راکھ کر دیا،

مریم نواز نے کہا کہ چیف جسٹس صاحب آپ نے ایسے شخص کو مقدمات میں گرفتاری سے روکا ، شاہی مہمان بنا کر رکھا، اس کے نخرے اٹھائے، یہ سب کام ہر پاکستانی اور ان شہداء اور غازیوں کی توہین ہے جن کی ہر نشانی پر حملہ کیا گیا۔

مریم نواز نے مزید سخت الفاظ استعمال کرتے ہوئے کہا کہ چیف جسٹس صاحب آپ ملکی تقدیر سے کھیلنے والے ایک "دہشت گرد” کے سہولت کار بنے لہٰذا یہ سب کرنے کے نتیجے میں آپ اپنا وقار کھو چکے ہیں،

مریم نواز کا مزید کہنا تھا کہ فتنہ گرفتاری کے ڈر سے عدالت میں چھپا بیٹھا ہے، انہوں نے سوال کیا کہ کیا مجرم کو عدالت کو اپنی پناہ گاہ بنانے کی اجازت دینا کوئی نیا قانون ہے؟