پاک فوج نے مارشل لا کی افواہیں سختی سے مسترد کر دیں

جمعہ کی شب نجی ٹی وی چینل سے گفتگو کرتے ہوئے پاک فوج کے محکمہ تعلقات عامہ آئی ایس پی آر  کے سربراہ میجر جنرل احمد شریف چوہدری نے   مارشل لا کے نفاذ کے حوالے سےملک میں گردش کرنے والی افواہوں اور قیاس آرائیوں کو قطعی بے بنیاد اور گمراہ کن قرار دیا۔

انہوں نے واضح کیا کہ  چیف آف آرمی اسٹاف جنرل عاصم منیر سمیت افواج پاکستان کی پوری  قیادت جمہوریت پرمکمل یقین رکھتی ہے۔ انہوں نے ان افواہوں  کی بھی سختی سے تردید کی کہ پاک افواج کے کسی افسر نے استعفیٰ دیا ہے۔

نجی ٹی وی سے گفتگو میں میجر جنرل احمد شریف چوہدری نے مزید کہا کہ اندرونی شر پسندوں اور بیرونی دشمنوں کی تمام ترچالوں کے باوجود پاک افواج چیف آف آرمی اسٹاف جنرل عاصم منیر کی قیادت میں متحد ہیں اور ہمیشہ متحد رہیں گی۔