فضل الرحمٰن نے عمران کی رہائی کا فیصلہ "انجینئرڈ” قرار دے دیا

انہوں نے کہا کہ سپریم کورٹ کا جو فیصلہ آیا ہے اس کی آڈیو ایک روز پہلے چل چکی تھی۔اس آڈیو میں عدالتی فیصلے کی پیش گوئی کی گئی ہے۔ انہوں نے الزام لگایا کہ سب انجینئرڈ اور پہلے سے طے شدہ فیصلےہیں، عدالت خود کنفیوژ ہے، عدالت بتائےعمران گرفتار ہے یا رہا ہے؟ ان کا کہنا تھا کہ بھارت جو ہمارے ساتھ نہیں کر پایا وہ پاکستان تحریک انصاف نے کر دکھایا۔ پارٹی اجلاس کے بعد اسلام آباد میں نیوز کانفرنس کرتے ہوئے ان کا کہنا تھا کہ جی ایچ کیو پر حملے، کور کمانڈر کے گھر پر حملے اور شہدا کی یادگاروں کی توہین کے باوجود چیف جسٹس نے عمران خان کو دیکھ کر خوشی کا اظہار کیا۔

ان کا مزید کہنا تھا کہ چیف جسٹس کی جانب سے عمران خان کو کہا گیا کہ ان واقعات کی مذمت کریں، انہوں نے مذمت سے بھی انکار کردیا۔ ان کا کہنا تھا کہ جنہوں نے شہدا کی یادگار کو توڑا، ان کے لیڈر کے آنے پر کہا گیا کہ آپ کے آنے سے خوشی ہوئی۔ ہونا تو یہ چاہیے تھا کہ ان پر غداری کا مقدمہ درج ہوتا۔