پولیس لائنز میں قیام کے دوران عمران خان سے کون کون مل سکے گا؟

ان میں عمران خان کی اہلیہ بشریٰ بی بی ، وکیل نعیم پنجوتھہ اور دوملازمائیں شامل ہیں ، اس سلسلے میں پولیس نے متعلقہ افراد سے رابطہ بھی کرلیا ہے ، واضح رہے کہ نعیم پنجوتھہ کے پاس عمران خان کی پاور آف اٹارنی بھی ہے اور وہ اسلام آباد میں موجود ہیں، جبکہ بشریٰ بی بی لاہور میں ہیں،ادھر پاکستان تحریک انصاف کے چیئرمین عمران خان نے اپنے چیف آف سٹاف سینیٹر شبلی فراز کو پولیس لائنز طلب کر لیاہے۔ذرائع کے مطابق سینیٹر شبلی فراز پولیس لائنز میں عمران خان کے انتظامی و سکیورٹی معاملات دیکھیں گے۔علاوہ ازیں عمران خان کی ذاتی سکیورٹی گاڑیاں بھی پولیس لائنز پہنچا دی گئی ہیں۔ واضح رہے کہ سپریم کورٹ نے پولیس لائنز میں قیام کے دوران عمران خان سے ملاقات کیلئے دس افراد کو اجازت دی ہے۔