صحت یابی کے بعد اردگان کےجلسے نے پوری صدی کاریکارڈ توڑ ڈالا

تفصیلات کے مطابق صحت یابی کے بعد ترک صدر رجب طیب اردگان نے اپنی انتخابی مہم کے دوران اب تک کا سب سے بڑا اور تاریخی جلسہ کرڈالا، میڈیا رپورٹس کے مطابق جس  میں ریکارڈ 17 لاکھ افراد نے شرکت کی۔واضح رہے کہ ترکیہ میں صدارتی اور پارلیمانی انتخابات 14 مئی کو ہوں گے جن میں ترک صدر اردگان کے مقابلے میں تین امیدوار میدان میں ہیں۔ انتخابی مہم کے سلسلے  میں ترک صدر  نے اتوار کو ترکیہ کے تاریخی شہر استنبول میں  انتخابی جلسہ کیا ہے۔ترک میڈیا رپورٹس کے مطابق استنبول کے انتخابی جلسے میں 17 لاکھ افراد نے شرکت کی ہے اور اس انتخابی جلسے کو صدی کا سب سے بڑا سیاسی جلسہ قرار دیا جا رہا ہے۔اس موقع پرترک صدر نےحمایت جاری رکھنے پر استنبول کے لوگوں کا شکریہ ادا کیا۔انہوں نے کہا کہ استنبول کے ساتھ مل کر ترکیہ کی تاریخ بنائیں گے، اپوزیشن اتحاد کو ملک کو تقسیم کرنے کا موقع نہیں دیا جائے گا۔