عمران خان  کی پیشی کے دوران فول پروف سکیورٹی انتظامات

اسلام آباد ہائی کورٹ کے چاروں اطراف پولیس اور قانون نافذ کرنے والے اداروں کے اہلکار تعینات تھے اور دفعہ144نافذ تھی، کسی بھی ممکنہ ناخوشگوار واقعہ سے نمٹنے کیلئے اسلام آباد ہائی کورٹ کے تمام داخلی اور خارجی راستوں کی بم ڈسپوزل اسکواڈ کی مدد سے چیکنگ کرائی گئی تھی،تمام سکیورٹی صورت حال کی کڑی نگرانی سیف سٹی اسلام آباد کنٹرول روم سے کی گئی،

پیشی کے دوران وفاقی دارالحکومت کی مانیٹرنگ اور سرویلنس سیف سٹی کے جدید کیمروں کی مدد سے یقینی بنائی گئی،کسی بھی ممکنہ خطرے سے بروقت نمٹنے کیلئے پولیس کے کمانڈوز کو اسٹینڈ بائے پر رکھا گیا تھا،جبکہ شہر میں ٹریفک کی روانی کو برقرار رکھنے کیلئے اسلام آبا دکیپیٹل پولیس ٹریفک ڈویژن کے اہلکار ہمہ وقت مصروف عمل رہے۔