سرکل بکوٹ کی اہم ترین شاہراہ نتھیا گلی بکوٹ روڈ عوام کیلئے اذیت بن گئی

دو روز قبل ہونے والی بارش کے بعد ایک بار پھر جنگل سے زیر تعمیر نجی ہوٹل کا سارا ملبہ گڑنگ نالہ روڈ کو بہا کر لے گیا۔ یہ امر قابل ذکر ہے کہ ایک ماہ کے دوران لینڈ سلائیڈنگ سے سڑک کی بندش کا یہ دوسرا واقعہ ہے جس کے نتیجے میں سرکل بکوٹ سے  ایبٹ آباد آنے والے ہزاروں مسافر رل گئے۔ مقامی عمائدین اور متاثرہ علاقوں کے عوام  نے اس صورت حال پر تشویزش ظاہر کرتے ہوئے کہا ہے کہ محکموں کی آپس کی لڑائی اور بدعنوانی عوام کو اس بات پر مجبور کررہی ہے کہ وہ گلیات کو دیا گیا پانی اور ٹینک توڑ ڈالیں، شاید اسی صورت میں  یہ محکمے سرکل بکوٹ کے عوام کو ان کا حق دیں گے۔