ٹکٹ کیلئے عمران سے ملاقات کاایک کروڑ لیا جاتا رہا؟

چوہدری حفیظ : وہ آپ نے بتایا نہیں کہ چندہ کتنا ہوگا؟ٹکٹ اور پارٹی کے پیسے کتنے ہوں گے؟۔

اعجاز چوہدری:دیکھو ہمارے ہاں چندے کی کوئی حد نہیں،وہ جس دن آئیں تو چیئرمین سے کہیں کہ میں اتنا ڈونیشن دینا چاہتا ہوں تو ہم انہیں ملوا دیں گے۔

چوہدری حفیظ : چلو ٹھیک ہے۔۔۔ساتھ ہی اعجاز چوہدری کہتے ہیں کہ دس ملین (ایک کروڑ)سے اوپر ہونا چاہیے جس سے چیئرمین سے ملاقات ہوسکے۔

چوہدری حفیظ : دس سے اوپر یعنی ایک کروڑ؟ ۔۔۔

اعجازچودھری : ہاں ایک سے اوپر ۔

اس کے بعد چوہدری حفیظ پوچھتاہے کہ پارٹی کی ٹکٹ کے سر کتنے ہیں؟ ۔۔ اعجاز چوہدری کہتے ہیں ۔۔پارٹی کے لیے ،اچھا پارٹی کےلیے ۔۔ چوہدری حفیظ پوچھتا ہے کہ اچھا سر شوکت خانم کےلیے کتنا؟۔۔جس پر اعجاز چوہدری کہتے ہیں شوکت خانم کے لیے آپ جو دینا چاہو ،وہ آپ کی مرضی ہے۔جس پرچوہدری حفیظ نامی شخص کہتا ہے کہ جی بالکل دیں گے اورسرروزوں سے پہلے انہیں بلائوں یا بعد میں،جس پراعجاز چوہدری کہتے ہیں نہیں، نہیں، نہیں ، آج کل میں ہی ٹکٹ دے رہے ہیں اگر ٹکٹ لینا ہے توآج کل میں ہی ۔