عید پر راولپنڈی میں مضر صحت گوشت سمگل کرنے والا گروہ پکڑا گیا

اس حوالے سے موصولہ تفصیل کے مطابق  راولپنڈی میں مضر صحت گلا سڑا اور کیڑوں والا گوشت سپلائی کرنے والے بین الاضلاعی گروہ کا سراغ لگا لیا گیا ہے ،اس حوالے سے اطلاع ملنے پر محکمہ لائیو اسٹاک انچارج سلاٹر ہاؤس سرگودھا اور ڈی پی او سرگودھا کی ٹیم نے دو تھانوں کی حدود میں خفیہ گوداموں پر چھاپے مارے ۔ڈی پی او سرگودھا فیصل کامران کے مطابق دو گوداموں سے 16 من بدبو دار اور کیڑوں والا گوشت برآمد کرلیا گیا ۔ ڈی پی او سرگودھا فیصل کامران نے بتایا کہ ابتدائی تفتیش میں ملزمان نے انکشاف کیا کہ یہ گوشت راولپنڈی میں عید کے موقع پر کیمیکل لگا کر سپلائی کیا جانا تھا ۔ ڈی پی او سرگودھا فیصل کامران نے بتایا کہ دونوں مقدمات کی تفتیش کے لیے الگ الگ تفتیشی ٹیم تشکیل دیدی ہے ۔ اور اس گروہ کے دیگر سہولت کاروں کا راولپنڈی سمیت دیگر شہریوں میں سراغ لگایا جائے گا