حکو مت سےمذاکرات کیلئےعمران خان نےکیا شرائط پیش کیں؟

نجی ٹی وی کی رپورٹ کے مطابق عمران خان کا کہنا ہے کہ ان کے خلاف قائم تمام مقدمات کو ختم کیا جائے۔اس کے علاوہ تمام گرفتار رہنماؤں اور کارکنوں کے خلاف مقدمات بھی ختم کیے جائیں۔ واضح رہے کہ عمران خان کے ایک اہم اور قریبی ساتھی علی امین گنڈاپور اور سابق وفاقی وزیر علی زیدی و بھی حال ہی میں گرفتار کیاگیا ہے۔ مذاکرات کیلئے عمران خان نے ایک اور شرط یہ بھی عائد کی ہے کہ  پی ٹی آئی کے تمام ارکین قومی اسمبلی کے استعفے نامنظور کیے جائیں۔

مذاکرات کے محرک سراج الحق کیا کہتے ہیں؟

جماعت اسلامی کے امیر سراج الحق نے کہا ہے کہ ہماری خواہش ہے کہ مرکز اور صوبوں میں نگراں حکومت قائم ہو اور پھر اُس کے بعد سب لوگ الیکشن میں جائیں، ملکی مسائل کا حل عوام کے پاس ہی ہے، ملک کو بچانے کے لیے تین اداروں سپریم کورٹ ، اسٹیبلشمنٹ اور الیکشن کمیشن کو غیر جانبدار رہنا ہوگا۔نجی ٹی وی کے پروگرام میں گفتگو کرتے ہوئے سراج الحق نے کہا کہ وزیراعظم سے ہونے والی ملاقات میں یہ سمجھانے کی کوشش کی تھی کہ حالات بہت خراب ہیں اور وقت ہاتھ سے نکل رہا ہے، اگر ایسے ہی رہا تو سیاست، جمہوریت اور اسمبلیاں نہیں رہیں گی، اگر سب نے مل کر ایسے شفاف انتخابات پر اتفاق نہ کیا تو اور الیکشن سے پہلے معاملات طے نہ کیے تو ایسے نتائج کو ہم تسلیم نہیں کریں گے۔

امیر جماعت اسلامی نے کہا کہ عمران خان، صدر پاکستان اور شہباز شریف سمیت سب کا اس بات پر اتفاق ہے کہ ملک کے حالات خراب ہیں مگر ان سے نکلنے کے راستے کے معاملے پر سب تذبذب کا شکار ہیں اور سپریم کورٹ سمیت سب بند گلی میں چلے گئے ہیں جہاں کوئی نہیں جانتا کہ آنے والے کل کیا ہوگا، اسی وجہ سے ماحول میں بہت زیادہ تناؤ اور کشیدگی ہے۔سراج الحق نے کہا کہ ’ہم تو اسٹیبلشمنٹ کے کہنے پر کوئی بات نہیں کررہے البتہ یہ دونوں جماعتیں اسٹیبشلمنٹ کی ہیں اور یہ سب بتا رہے ہیں کہ کون سا جنرل کس کا ساتھ دیتا تھا اور اب دوسرے کے ساتھ کیوں ہے۔