وفاقی وزیر مذہبی امور مولانا عبدالشکور المناک حادثے  میں جاں بحق

ذرائع کے مطابق ٹکر مارنے والی گاڑی میں سوار پانچ افراد کو حراست میں لے لیا گیا ۔ آئی جی اسلام آباد ڈاکٹر اکبر ناصر نے واقعے کی تحقیقات کیلئے  اعلی افسران پر مشتمل ٹیم تشکیل دےدی ہے۔ موقع سے شواہد جمع کرنے کا کام فوری  شروع کر دیا گیا تھا ۔

پولیس ترجمان کے مطابق مولانا عبدالشکور میریٹ سے سیکرٹریٹ چوک کی طرف جارہے تھے کہ  سامنے سے آنے والی ایک ہائی لکس ریوو جس میں پانچ آدمی سوار تھے نے مولانا عبدالشکور کی گاڑی کو ٹکر ماری۔مولانا عبدالشکور کو پولی کلینک ہسپتال منتقل کیا گیالیکن وہ جانبر نہ ہوسکے۔پولیس کے سینئر افسران بھی موقع پر پہنچ گئے جبکہ گاڑی اور اس میں سوار افراد کو پولیس حراست میں لے لیا گیا ہے۔