جسٹس مظاہرنقوی کے خلاف اسلام آباد بار نے پھر شکایت کردی

ذرائع کا کہنا ہے کہ اس شکایت کے ساتھ مبینہ آڈیو ویڈیو کے ٹرانسکرپٹ بھی لگائے گئے ہیں۔ شکایت میں کہا گیا ہے کہ جسٹس مظاہر علی اکبر نقوی کے حوالے سے مختلف آڈیوز اور ویڈیوز سامنے آئی ہیں۔شکایت میں جسٹس مظاہر نقوی کے خلاف آمدن سے زائد اثاثہ جات کا الزام بھی لگایا گیا ہے۔اس کے علاوہ ان  کے خلاف ٹیکس چھپانے کا الزام بھی عائد کیا گیا ہے۔کونسل کی شکایت میں کہا گیا ہے کہ جسٹس مظاہر نقوی کے خلاف مالی بےضابطگی کے ثبوت موجود ہیں۔جسٹس مظاہرنے کوڈ آف کنڈکٹ کی خلاف ورزی کی،لہٰذا ان کے خلاف کارروائی کی جائے۔