ڈار نےانتخابی اخراجات بل قومی اسمبلی میں پیش کر دیا

اسحاق ڈارنے کہا کہ ہم  تمام اسمبلیوں کے انتخابات ایک ساتھ کرانا چاہتے ہیں، موجودہ حکومت پارلیمنٹ کی بالا دستی آئین اور قانون کی حکمرانی پریقین رکھتی ہے، پی ٹی آئی نے آئین اور قانون کی دھجیاں اڑائی ہیں، ان کابنیادی مقصد افراتفری پیدا کرنا ہے، پی ٹی آئی چاہتی ہے آئی ایم ایف معاہدہ نہ ہو، یہ ہر طرف سے ناکامی کے بعد اب ملک دشمنی پر اتر آئے ہیں۔وزیر خزانہ نے  دعوٰی کیا کہ حکومت کرنٹ اکاؤنٹ خسارہ 17 ارب ڈالر سے کم کرکے 3ارب ڈالر پر لے آئی ہے، اتحادی حکومت نے زرمبادلہ کے ذحائر کی گراوٹ کو روکا، گزشتہ سال غیرملکی زرمبادلہ کے ذخائر میں 6 ارب ڈالر سے زائد گراوٹ آئی،اس کے علاوہ  حکومت 12 کھرب روپے کے غیر ملکی قرضے بھی  ادا کرچکی ہے، ہم نے بدترین تنزلی کے باوجود غیرملکی ادائیگیاں بروقت کیں۔