اہم امور پر مشاورت کیلئے وفاقی کابینہ کا اجلاس آج ہوگا

ذرائع کے مطابق وفاقی کابینہ قومی سلامتی کمیٹی کے فیصلوں کی توثیق کرے گی جبکہ اجلاس میں عدالتی اصلاحات بل کی واپسی اور اس بل کو پارلیمنٹ کے مشترکہ اجلاس سے منظور کرانے پر بھی بات ہو گی۔یاد رہے کہ قومی اسمبلی نے چند روز قبل ازخود نوٹس کے اختیار کو محدود کرنے سمیت  عدالتی اصلاحات کا بل منظور کر کے توثیق کے لیے صدر پاکستان کو بھیجا تھا تاہم صدر عارف علوی نے بل نظر ثانی کے لیے واپس پارلیمنٹ کو بھیج دیا ہے۔ اس حوالے سے صدر مملکت کا کہنا تھا بادی النظر میں یہ بل پارلیمنٹ کے اختیار سے باہر ہے، بل قانونی طور پرکمزور ہونے پر عدالت میں چیلنج کیا جاسکتا ہے، لہٰذا  اس بل کی درستگی کے بارے میں جانچ پڑتال اور نظرثانی کے لیے  اسے واپسبھیجا جا رہا ہے۔