سونے کی قیمت میں ریکارڈ ڈھائی ہزار روپے اضافہ

عالمی صرافہ مارکیٹ میں سونے کا بھاؤ 41 ڈالر اضافے سے 2023 ڈالر فی اونس ہے۔ یہاں یہ امر قابل ذکر ہے  کہ گزشتہ روز بھی  سونے کی قیمت میں 5600 کا اضافہ ہوا تھا جس کے بعد سونے کی قیمت ملکی تاریخ کی بلند ترین سطح پر پہنچ گئی تھی۔

ادھر انٹربینک میں روپے کے مقابلے میں ڈالر کی قدر میں اضافےکا سلسلہ جاری ہے۔بدھ کو انٹربینک میں کاروبار کے دوران ایک امریکی ڈالر ایک روپے 21 پیسے مہنگا ہوکر 288 روپے 50 پیسے کا ہوگیا۔ جبکہ کاروبار کے اختتام پر ایک ڈالر 287 روپے 85 پیسے پر بند ہوا۔ انٹربینک میں گزشتہ روز ڈالر 287 روپے 29 پیسے پر بند ہوا تھا۔ کاروبار کے دوران اوپن مارکیٹ میں بھی ڈالر 1 روپیہ مہنگا ہوا، اوپن مارکیٹ میں ڈالرکا بھاؤ 292 روپے ہے۔