منشیات اسمگل کرتے پکڑے جانے والے جعلی میجر نے کیا انکشافات کئے؟

ملزم اقبال علی ولد فرمان علی  ایبٹ آباد کا رہائشی ہے جسے گذشتہ روز گرفتار کر کے بھاری مقدار میں منشیات برآمد کر لی گئی تھی , جعلی میجر کی سرکاری نمبر پلیٹ اور کالے شیشوں کی گاڑی کی تلاشی لینے پر گاڑی کے اندر سے پانچ بوریوں میں بند لاکھوں روپے مالیت کی 60 کلوگرام چرس برآمد کرلی گئی،ملزم کے متعلق تھانہ ایکسائز کو اطلاع ملی تو جعلی میجر کو ناکہ بندی کرکے روکا گیا لیکن اس  نے رکنے کے بجائےگاڑی دوڑا دی، آرمی کی وردی میں ملبوس جعلی میجر نے تھانہ ایکسائز کی موبائل گاڑی کو ٹکر مارکر کافی نقصان پہنچایا، کافی تگ و دو کے بعد جعلی میجر کو رسالپور پھاٹک کے پاس قابو کرلیا گیا،

ملزم کے خلاف مقدمہ درج کرکے ابتدائی تفتیش شروع کی گئی تو اس نے اس سے قبل دس بار منشیات پنجاب سمگل کرنے کا بھی اعتراف کرلیا،  ملزم کے خلاف منشیات سمگلنگ، سرکاری املاک کو نقصان پہنچانے اور پاکستان آرمی کو بدنام کرنے کے جرم میں متعدد دفعات کے تحت مقدمہ درج کرلیا گیا، محکمہ ایکسائز ، اینڈ نارکوٹکس کنٹرول نے بھاری مقدار میں منشیات سمگلنگ کی کوشش ناکام بنانے پر متعلقہ عملے کی حالیہ کاروائی کو سراہتے ہوئے شاباشی دی اور تصیفی اسناد کے ساتھ نقد انعام کا اعلان کیا۔