گجرات فسادات میں ملوث تمام 26 ملزم بھارتی عدالت نےبری کردیئے

واضح رہے کہ کم و بیش بیس برس پہلے موجودہ بھارتی وزیراعظم اور اس وقت کے وزیراعلی گجرات نریندر مودی کی حکومت کے دوران گجرات کے شہر  احمد آباد میں ایک درجن سے زائد مسلمانوں کو بے دردی سے قتل کیا گیا تھا جبکہ بڑی تعداد میں خواتین کو زیادتی کا نشانہ بنایا گیا تھا۔
بری ہونے والے ملزمان انتہا پسند ہندوؤں کے اس ہجوم کا حصہ تھے جنہوں نے گودھرا میں سابرمتی ٹرین جلانے کے واقعے کے بعد یکم مارچ 2002 کو مذہبی فسادات میں قتل عام کے ساتھ ساتھ مسلمان خواتین سے اجتماعی زیادتی کی تھی۔ اسی سال ملزمان کے خلاف کلول پولیس اسٹیشن میں ایف آئی آر درج کرائی گئی تھی۔

بھارتی میڈیا کی رپورٹس کے مطابق پنچمحل ضلع کے ایڈیشنل سیشن جج لیلا بھائی چوڈاسما کی عدالت نے مسلمانوں کے قتل عام اور اجتماعی زیادتی کے الزام میں ملوث کیس میں عدم ثبوت کی بنا پر تمام 26 ملزمان کو بری کردیا،  یہ امر قابل ذکر ہے کہ دہشت گردی کے ان واقعات میں کُل 39 ملزمان  ملوث تھے جن میں سے 13 ملزمان کی دورانِ ٹرائل موت  واقع ہوگئی تھی۔

استغاثہ نے اپنی دلیل کی حمایت میں 190 گواہوں اور 334 دستاویزی ثبوتوں کا جائزہ لیا لیکن عدالت نے دوہرا معیار اپناتے ہوئے دلائل کی حمایت نہیں کی۔